ბუღალტერთა კავშირის ორგანიზებით 1 აგვისტოს ტარდება ბუღალტერთა და აუდიტორთა საერთაშორისო კონფერენცია.
ონლაინ კონფერენციის მთავარი მიზანია, მსოფლიოში არსებული კრიზისული პერიოდით გამოწვეული სირთულეების წარმოჩენა, კრიზისის მართვის გამოცდილების გაზიარება და გადაჭრის გზების დასახვა გლობალურ დონეზე.
ონლაინ კონფერენცია საშუალებას აძლევს მონაწილეებს გაეცნონ ფინანსურ სექტორში მომუშავე მსოფლიოს წამყვანი ბუღალტრული და აუდიტორული ორგანიზაციების გამოცდილებას.
კონფერენციაში მონაწილეობას მიიღებენ საერთაშორისო ორგანიზაციების IFAC, ACCA, ICFM, IPAA, DFAA – წევრი ქვეყნები.
ღონისძიებას უმასპინძლებს საქართველოს ბუღალტერთა კავშირი, რომელიც წარმოადგენს ბუღალტერთა და აუდიტორთა ყველაზე მსხვილ გაერთიანებას საქართველოში, რომლის მიზანია ფინანსური აღრიცხვის პოპულარიზაცია და წევრთა პროფესიული განვითარების ხელშეწყობა.
კონფერენციაში მონაწილეობის მსურველმა ორგანიზაციებმა რეგისტრაცია უნდა გაიარონ ქვემოთ მოცემულ ბმულზე: ➡️ https://bit.ly/2VsxZom
კონფერენციაში მონაწილე ყველა წევრი მიიღებს ორენოვან სერტიფიკატს.
