2019 წ. 17 აგვისტოს, ქალაქ ბათუმში, ბუღალტერთა კავშირის ორგანიზებით კავშირის წევრი ბუღალტრებისა და ფინანსისტებისთვის ჩატარდა შეხვედრა შემოსავლების სამსახურის საგადასახადო შემოწმების სამმართველოს აუდიტორებთან, სადაც განხილული იქნა საგადასახადო კოდექსში შესული ახალი ცვლილებები. ასევე შეხვედრის მსვლელობისას განხილული იქნა ის მნიშვნელოვანი და ყველაზე ხშირად დაშვებული შეცდომები,რომელსაც ადგილი აქვს დღგ-ის დეკლარირების დროს.
შეხვედრამ საკმაოდ საინტერესოდ და ნაყოფიერად ჩაიარა.ბუღალტრებმა აუდიტორებისგან მიიღეს რეკონებდაციები სხვადასხვა თემებთან დაკავშირებით. მადლობა ღონისძიების მხარდაჭერისთვის აჭარის ქალ ბიზნესმენთა ასოციაციის თავმჯდომარეს ქალბატონ მაკო კვირიკაძეს, ბათუმის სავაჭრო-სამრეწველო პალატას, განსაკუთრებული მადლობა მხარდაჭერისთვის ბატონ ზაზა ბოლქვაძეს. მადლობა ტრენერებს დავით ირემაშვილს და თორნიკე ბერიძეს ტრენინგის წარმატებით ჩატარებისთვის და დაუზარელი შრომისთვის.
